ഫ്ലോ​റി​ഡ: 2024 സെ​പ്റ്റം​ബ​റി​ൽ ഫ്ലോ​റി​ഡ​യി​ലെ ഗോ​ൾ​ഫ് കോ​ഴ്സി​ൽ വ​ച്ച് യു​എ​സ് പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​നെ വ​ധി​ക്കാ​ൻ ശ്ര​മി​ച്ച റ​യാ​ൻ റൗ​ത്തി​ന് (59) കോ​ട​തി ജീ​വ​പ​ര്യ​ന്തം ത​ട​വ് ശി​ക്ഷ വി​ധി​ച്ചു. വെ​സ്റ്റ് പാം ​ബീ​ച്ചി​ലെ ട്രം​പ് ഇ​ന്‍റ​ർ​നാ​ഷ​ണ​ൽ ഗോ​ൾ​ഫ് ക്ല​ബി​ൽ വ​ച്ചാ​യി​രു​ന്നു റൗ​ത്തി​ന്‍റെ വ​ധ​ശ്ര​മം.

ഗോ​ൾ​ഫ് കോ​ഴ്സി​ലെ കു​റ്റി​ക്കാ​ട്ടി​ൽ തോ​ക്കു​മാ​യി ഒ​ളി​ച്ചി​രു​ന്ന റൗ​ത്തി​നെ സീ​ക്ര​ട്ട് സ​ർ​വീ​സ് ഏ​ജ​ന്‍റ് ക​ണ്ടെ​ത്തു​ക​യും വെ​ടി​യു​തി​ർ​ക്കു​ക​യും ചെ​യ്തു. തു​ട​ർ​ന്ന് ര​ക്ഷ​പെ​ടാ​ൻ ശ്ര​മി​ച്ച ഇ​യാ​ളെ സ​മീ​പ​ത്തു​നി​ന്നും പി​ടി​കൂ​ടു​ക​യാ​യി​രു​ന്നു.

മാ​സ​ങ്ങ​ളോ​ളം നീ​ണ്ട ആ​സൂ​ത്ര​ണം, പ​ശ്ചാ​ത്താ​പ​മി​ല്ലാ​യ്മ, ആ​രെ​യും കൊ​ല്ലാ​നു​ള്ള മ​നോ​ഭാ​വം എ​ന്നി​വ ക​ണ​ക്കി​ലെ​ടു​ത്താ​ണ് ജ​ഡ്ജി ഐ​ലീ​ൻ കാ​ന​ൻ ജീ​വ​പ​ര്യ​ന്തം ശി​ക്ഷ വി​ധി​ച്ച​ത്. വി​ധി വ​ന്ന​തി​ന് പി​ന്നാ​ലെ കോ​ട​തി​യി​ൽ വ​ച്ച് ഇ​യാ​ൾ സ്വ​യം കു​ത്തി​പ്പ​രി​ക്കേ​ൽ​പ്പി​ക്കാ​നും ശ്ര​മി​ച്ചു.

ഇ​യാ​ൾ ഒ​ളി​ച്ചി​രു​ന്ന സ്ഥ​ല​ത്ത് നി​ന്ന് സ്കോ​പ്പു​ള്ള റൈ​ഫി​ളും ട്രം​പി​ന്‍റെ യാ​ത്രാ വി​വ​ര​ങ്ങ​ള​ട​ങ്ങി​യ കു​റി​പ്പു​ക​ളും പോ​ലീ​സ് ക​ണ്ടെ​ടു​ത്തി​രു​ന്നു. 2024ൽ ​ട്രം​പി​ന് നേ​രെ ന​ട​ന്ന ര​ണ്ടാ​മ​ത്തെ വ​ധ​ശ്ര​മ​മാ​യി​രു​ന്നു ഇ​ത്.

നേ​ര​ത്തെ ജൂ​ലൈ​യി​ൽ പെ​ൻ​സി​ൽ​വേ​നി​യ​യി​ൽ ന​ട​ന്ന റാ​ലി​ക്കി​ടെ​യും അ​ദ്ദേ​ഹ​ത്തി​ന് നേ​രെ വെ​ടി​വ​യ്പ് ന​ട​ന്നി​രു​ന്നു.